Vihtta geardde eanet oidnosis šleđggonin
Šleđggona haga it oidno earet 25-30 mehtera eret biillas mii geavaha oanehis čuovggaid. Šleđggonin oidnot juo 140 mehtera geahčen. Dat addá birrasii 10 sekundda biilavuoddjái reageret, dan ektui go dušše 2 sekundda šleđggona haga. Dat liige sekunddat sáhttet dagahit erohusa eallima ja jápmima gaskka.
Ollesolbmot vearrámusat
Vaikko buohkat dihtet man dehálaš lea geavahit šleđggona, de čájehit guorahallamat ahte dušše njealjis logi norgalaččain duođai geavahit šleđggona. Ollesolbmot leat vearrámusat, muhto lihkus sii leat čeahpit bidjat mánáide Šleđggoniid, vaikko ieža eai geavat.
Geavat šleđggona maiddái gávpogis
Lea dehálaš muitit ahte dárbbahat šleđggona vaikko jođát guovllus gos leta geaidnočuovggat. Eanas lihkuhisvuođat vázziiguin dáhpáhuvvet gávpogiin ja dávjjimusat go olbmot leat rasttildeamen luotta. Seammás dahket čuovggat buvddain, biillain ja eará fievrruin ahte vázzit eai oidno nu bures gávpotgovas. Geavat danin álo šleđggona, sihke gávpogis ja meahcis.
Trygg Trafikk šleđggonrávvagat:
- Giddes šleđggona readjuide ja lávkkaide
- Bidjal šleđggonbátti skuovaid sisa vai muittát bidjat daid
- Geavat šleđggoniid mat lihkadit go váccát, dalle oidnot buoremusat
- Geavat unnimusat guokte šleđggon vai don leat oidnosis juohke guvlui
- Heŋges šleđggona čippi bokte dahje geavat slapwrap:a juolggi birra
Teakstaoassi lea vižžon Trygg trafikk:s. Loga eambbo Trygg Trafikk.
Nuvttá šleđggonat min kunddarguovddážin
Sáhtát viežžat nuvttá šleđggoniid min kunddarguovddážiin sihke Hársttáin ja Romssas.
Geahča min rabasáiggiid ja sihkkarastte ahte oidnot johtolagas!